Nafarroako Judoka, ARIANE TORO SOLER, Jose Toro entrenatzailearekin batera, Luxenburgora bidean da irailaren 9tik 11ra Luxenburgoko D Coque Kirol Zentro Nazionalean egingo den EUROPAKO JUNIOR TXAPELKETAN parte hartzeko. Guztira, bederatzi judoka espainiar izan dira (bi mutil eta zazpi neska) Espainiako Judo eta K.E. Federazioak deituak Europako hitzordu horretan parte hartzeko.
Aurreko lehiaketetan lortutako emaitzei esker, judoka nafarrak Europako Txapelketa honetan parte hartzea lortu du eta hurrengo egunetako hitzordu handiari begira nola dagoen adierazi nahi izan du:
"Borrokatzera ateratzeko eguna iristeko gogoa dut. Juniorren lehenengo urtea da, baina tatamira ateratzeko, gozatzeko eta daukadan judoa ateratzeko gai naiz. Kategoriaz igo eta oso etsai gogorrak ditut… deserosoena eta indartsuena Lilia Nugaeva errusiarra iruditzen zait, baina ondo prestatu dut eta irabazteko gai naiz. Itxaropenarekin noa, nire ondoan onenak ditudalako, nire gurasoak; haiek eta lan egiten dudan guztiarekin, prest nago! ".
ARIANE, Nafarroako Judo Teknifikazio Zentroaren programako kirolaria, -52 Kg kategorian lehiatuko da. Asteazkenean, hilak 8, 18:00etatik aurrera pisaketa du, eta ostegunean, hilak 9, 9:00etatik aurrera lehiatuko da. Finala 16:00etatik aurrera jokatuko da.
