Nafarroako Kirolaren Institutuak, ANFAS elkartearen laguntzaren bidez, ezgaitasuna duten 14 urtez gorako gaztei zuzendutako defensa pertsonaleko 4 saio eskainiko ditu Nafarroako hainbat herritan.
Nafarroako Judo eta Kirol Elkartuen Federazioak Defentsa Pertsonaleko lehen ikastaro honetan parte hartzen du, defentsa pertsonaleko ikastaro hauek emateko langile kualifikatuak jarriz. Hain zuzen ere, Nafarroako Judo eta Kirol Elkartuen Federazioko Hezkuntza Premia Berezien Departamentuko Zuzendaria, Judo Entrenatzaile Nazionala, 6. Dan-eduna eta Defentsa Pertsonalean aditua den Arantxa Meca San Martinek ikastaro hauek emango ditu.
Halaber, judoko entrenatzaileen eta defentsa pertsonaleko tituludunen laguntza izango du Iruñean (Pablo Erice), Tuteran (Felix Pastor), Tafallan (Eduardo Marco) eta Santestebanen (Noelia Ariztia).
Larunbat honetan, urriaren 16an, 10:30etik 13:30era, lehen saioa egingo da Iruñean, Larrabide Estadioko borroka-arteen aretoan.
Saio hauen helburua da arrisku-egoerak detektatzen eta ebaluatzen ikastea, pertsonarengan konfiantza eta segurtasun handiagoa izateko ariketak ikastea eta erlaxatzeko eta estresa kontrolatzeko konfiantza-metodoak lantzea.
Tuterako, Tafallako eta Doneztebeko beste 3 tailerren egunak eta lekuak erantsitako kartelean ikus ditzakezu, baita izena emateko tokiak ere.
