Joan den larunbatean, apirilaren 5ean, Atarrabiako Aikido taldeak Aikido topaketa antolatu zuen Iruñeko Larrabide Estadioko Arte Martzialen Aretoan, Danako kaltetuentzako dirua biltzeko.
Topaketa horretara gonbidatu zuten Juan Ramon Hita, Aikidon 6. dan mailako eskarmentu handiko kirolaria eta Valentziako Aikikai Kultur Elkarteko presidentea.
Hainbat probintziatako (Valentzia, Bartzelona, Gipuzkoa eta Araba) praktikatzaileak aritu ziren, Nafarroako kirolariez gain. Guztira maila guztietako hogeita hamar bat lagunek praktika egun atsegin batez gozatzeko aukera izan zuten, goizez eta arratsaldez klaseak izanez. Tatamian praktikatzeaz gain, eguerdiko atsedenaldian ere lagunarteko bazkaria egin zuten bertaratutakoek.
Valentziako Ronin dojoko Juan Ramón Hitak, Donostiako Zuahizti dojoko Lánder Jiménezek, Mutiloako Natursport dojoko Javier Mendozak eta Atarrabiako Aikido dojoko Javier Bravok klaseak eman zituzten.
Ekitaldian bildutako diru guztia joan den urrian Valentzian danak kaltetutakoei laguntzeko izan da. Parte-hartzaile guztien ekarpenaz gain, aipatzekoa da Nafarroako Judo eta Kirol Elkartuen Federazioko Aikido Sailaren ekarpena, eta parte hartu gabe ekarpena egin duten pertsona batzuk.
Paiportako kaltetuen elkarteetako baten bidez bideratu dute diru bilketa, familia bati bere etxea berreskuratzen laguntzera; urak suntsitu zuen etxea.
