Europako 3Dko Txapelketa lehiatua izan zen Suediako Gotenburgo hirian irailaren 17tik 22ra. Bertan, Espainiako Selekzioak 5 domina irabazi zituen horietariko bi nafar arkulariek lortutakoak izanda.
Encarna Garrido Mallorcan jaio zen baina Martzillan bizi da eta Nafarroako Federazioko lizentzia du. Finalera iritsi zen banakako modalitatean eta Ketia Neringa-Martinsone letoniarraren aurkako maila handiko azken dueluan nafarrak 34/39 galdu zuen.
Estatistika ikaragarria Encarnarena antolatutako 7 Europako Txapelketetan 7 domina irabazi baititu (2 urrezko eta 5 zilarrezko domina).
Taldekako lehian ere parte hartu zuen talde espainiarri laugarren izaten laguntzen.
Jose Luis Iriartek ere zilarrezkoa lortu zuen
Arakilgo Hiriberriko arkularia final-erdietatik kanpo geratu zen gero txapelduna izan zenaren kontra berdinketa hausteko gezian galdu eta gero. Hau da, Karoly Hegedus hungariarraren aurka galdu zuen.
Bestalde, taldekako lehiaketan David Garciak, Joaquin Meridak eta gure Jose Luis Iriartek osatutako taldea finalera iritsi zen Errusia eta Frantzia kanporatzeari esker. Zoritxarrez, espainiarrek Italiarren aurka galdu zuten azken txandan (117/112).
Espainiako delegazioaren beste dominak:
- David Garcia: Zilarrezko domina (arku biluzik)
- Cesar Vera: Brontzezko domina (arku biluzik)
- Begoña Perez: Brontzezko domina (arku instintiboa)
